"Бавария" янги дарвозабон сотиб олмоқчи

Томас Тухеь янги мавсум учун тайёргарликни бошлаган. Унинг мақсади жамоага ҳужумчи, ўнг қанот ҳимоячиси ва иккинчи рақамли дарвозабон олиб келишдир. 

Фабрицио Романонинг сўзларига кўра, "Валенсия" посбони Гиорги Мамардашвили мюнхенликлар сафига ўтиши мумкин. Футболчининг ўзи бу трансферга рози бўлган. Тез орада томонлар музокараларни бошлайди.

Маълумот учун, Мамардашвилига Англия ва Италиядан ҳам таклифлар бор, лекин у Германияга йўл олишни истамоқда. Грузиялик дарвозабоннинг "кўршапалаклар" билан амалдаги шартномаси 2027 йилда ўз ниҳоясига етади.