"Бавария" "Ювентус" билан футболчи алмаштирмоқчи

"Бавария" раҳбарияти "Ювентус"даги собиқ ярим ҳимоячиси Дуглас Костани яна ортга қайтармоқчи. Бу ҳақда Sportmediaset нашри хабар бермоқда.

Юқоридаги манбага кўра, немис гранди бразилиялик футболчи эвазига Тьяго Алькантарани беришга тайёр. Клублар ҳеч қандай қўшимча тўловларсиз ушбу футболчиларни алмаштиришлари мумкин.

29 ёшли Алькантара ўтган мавсум “Бавария” сафида 40 та ўйинда майдонга тушди ва 3 та гол ҳамда 2 та голли узатма ёздириб қўйишга эришди. 29 ёшли Коста ўтган мавсум “Ювентус” сафида 29 та ўйинда майдонга тушди ва 3 та гол ҳамда 7 та голли узатма ёздириб қўйди.