"Бавария" Забитцерни қанчага сотмоқчи?

"Бавария" ярим ҳимоячиси Марсель Забитцер ёзги трансфер ойнасида бошқа клубга сотиб юборилиши мумкин.

Ўтган мавсумнинг иккинчи ярмида австриялик футболчи "Манчестер Юнайтед"да ижара асосида ўйнадм, бироқ инглиз клуби футболчини сотиб олишга қизиқиш билдирмаган. Bild хабарига кўра, "Бавария" Забитцерни тўлиқ сотиб юборишга тайёр. Бундеслига гранди 29 ёшли ярим ҳимоячи учун тахминан 15 миллион евро сўрамоқда.

Трансфермаркт экспертлари Марсель Забитцернинг нархини 20 миллион еврога баҳоламоқда. Футболчининг мюнхенликлар билан шартномаси 2025 йилнинг ўрталарига қадар мўлжалланган.

Забитцер ўтган мавсум “Манчестер Юнайтед” сафида 18 та ўйинда майдонга тушиб, 3 та гол ва 1 та голли узатмага муаллифлик қилган.