“Бавария” зўр футболчини арзонга оляпти

“Бавария” ўз таркибига “Лейпциг” етакчиси Марсель Зебитцерни қўшиб олишга яқин турибди. Австриялик ярим ҳимоячи ўзига қизиқиш билдирган мюнхенликлар билан шахсий шартнома борасида келишиб бўлган.

Бундеслига чемпиони 27 ёшли ярим ҳимоячи билан 2026 йилнинг ярмигача давом этадиган узоқ муддатли шартнома тузишга қарор қилган.  

Айни пайтда томонлар трансфер деталлари бўйича музокара ўтказяпти.

Марсель Забитцернинг “Лейпциг” билан амалдаги битими мавсум охирида якунланади. Шу боис, “буқалар” ўз етакчисини атиги 10 миллион еврога қўйиб юборишга рози.

Аслида клуб Зебитцерга янги битим таклиф қилганди, бироқ австриялик футболчи кучлироқ клубга ўтиш мақсадида ҳамкорликни давом эттирмайдиган бўлди.