“Бавария”да энди фақат “очлар” ўйнайди

“Бавария”ни қабул қилиб олган Венсан Компани келаси мавсум давомида асосий таркибга кириш учун футболчиларга ўз талабларини уқтира бошлади.

Бельгиялик мутахассис таркибни шакллантиришда ўз принципларига содиқ қолишини билдирди.

- Ҳозир футболчиларнинг имкониятлари ҳақида гапиришимга жуда эрта, лекин мен улар билан иш бошлашни сабрсизлик билан кутяпман.

Мен ўйинчиларнинг футболга қанчалар “чанқоқ” ва ғалабаларга “оч” эканини билиб олишим керак. Якунланган мавсумда “Бавария” чемпионликни қўлдан чиқарди. Вазият билан яхши танишман.

Футболчилар энди “Бавария”да ўйнаш учун етарли даражада “оч” ва “ташна” бўлишлари шарт, - деди Венсан Компани.

“Бёрнли”ни Англия Премьер-лигасида сақлаб қола олмаган бельгиялик мутахассис “Бавария” билан уч йиллик шартнома имзолади.