Байдаркачи қизларимиз жаҳон чемпионатида совриндор бўлишди

Португалиянинг Монтемор-у-Велью шаҳрида байдарка ва каноеда эшкак эшиш бўйича У18 ва У23 ёш тоифасидаги жаҳон чемпионати ўтказилмоқда. 

У23 ёш тоифасида 1000 метр масофага кечган байдаркачилар баҳсида Арина Танатмишева марра чизиғини иккинчи бўлиб кесиб ўтди ва кумуш медалга сазовор бўлди.

500 метр масофага кечган баҳсларда эса Дилнозахон Рафикова, Зарина Казакова, Шоҳсанам Шерзодова ва Хонзода Эркинова тўртлиги бронза медалини қўлга киритди.

Бу ҳақда Ўзбекистон Республикаси Спорт вазирлиги хабар бермоқда.