"Байер" бош мураббийи билан шартномани узайтирди

Леверкузеннинг "Байер" клуби бош мураббийи Петер Босс билан шартномани узайтирди.

Янги келишувга кўра, мутаҳассис бундеслига клубида 2022-йилгача қоладиган бўлди. Голландиялик мутаҳассис билан биргаликда унинг ёрдамчиси Хендри Крюзен ва клуб терапевти Терри Питерс ҳам амалдаги шартномасини узайтиришди.

56-ёшли Босс "Байерни" 2019-йилнинг январидан буён бошқариб келмоқда. Ўтган мавсумда унинг шогирдалари миллий чемпионатда тўртинчи ўринни банд этди.

Жорий мавсумда эса "Байер" Бундеслигада 28 очко билан 6-ўринда бормоқда.