Беларусь футболини безаётганлар. Жасур ҳам жасорат кўрсатмоқда

Легионерлар энг ноёб талантлар. “Прессбол” нашри Европада миллий чемпионат ўйинларини тўхтатмаган ягона мамлакат - Беларусга келиб, бу мамлакат футболини ёрқин томонларини кўрсата олган легионер футболчилар рамзий терма жамоасини тузиб чиқди.

ГОЛКИПЕР

Родион Сямук (Украина)

"Торпедо"- БелАЗ

2 та ўйинда 4 да гол ўтказган

Бу дарвозабоннинг майдонга тушиши катта ютуқ. 31 ёшли посбон бу имкониятга эга бўлиши учун ички рақобатда Владимир Бушма Алексей Козлов каби маҳаллий истеъдодларни енгиши керак.

ҲИМОЯЧИЛАР

Александар Филипович (Сербия)

“БАТЭ”

8 ўйинда 1 голли пас ва 2 та огоҳлантириш

Болқонлик йигит ўнг қанот ҳимоясини муқим эгаллади. У ҳимояланишдан ташқари ўткир ҳужум уюштиришга ҳам қодир. Марказий ҳимоячиси вазифасини ҳам юқори савияда бажара олади.

Дмитрий Яшин (Россия)

"Торпедо"- БелАЗ

11 та ўйинда 3 та огоҳлантириш

Беларусдаги фаолияти давомида тўртта жамоани алмаштирди. У энди ўз жамоасини топди. Яшиннинг ишончли ўйини туфайли "Торпедо"- БелАЗ кам гол ўтказяпти.

Никола Антич (Сербия)

"Шахтёр"

 7 ўйинда 5 та голли пас ва 1 та огоҳлантириш

Чемпионат аввалида Античда жароҳат бор эди. Лекин унинг ўринига майдонга тушган футболчилар ишончни оқлай олмади. Ниҳоят, серб ҳимоячиси майдонга қайтганидан кейин жамоаси гол ўтказмаяпти. Античнинг ўзи эса жамоадошларини қулай позицияга чиқармоқда.

ЯРИМ ҲИМОЯЧИЛАР

Юлиус Сзоке (Словакия)

"Шахтёр"

8 та ўйинда 3 та огоҳлантириш

Словакиялик таянч ярим ҳимоячининг энг кучли томони ҳимоядан ҳужумга ўтишда кўринмоқда. Рақиб ўйинини бузишда ҳам фаол. Яккакурашларда рақибидан устун келмоқда.

Неманья Милич (Сербия)

“БАТЭ”

9 та ўйинда 5 та гол, 2 та огоҳлантириш.

Милия чемпонат бошида тажрибали Павел Нехайчикка рақобатни бой берди. Захирадан майонга тушиб юрган футболчиберилган имкониятдан унумли фойдаланиб, гол ура бошлади. Сўнгги турларда узлуксиз гол урмоқда.

Габриэл Рамос (Бразилия)

"Торпедо"- БелАЗ

10 та учрашувда 3 гол, 4 голли пас ва 3 та огоҳлантириш

24 ёшли футболчи майдонда етакчиликни ўз қўлига олишга чўчимайди. Ҳужум ташкил қилишда моҳир.

Гегам Кадимян (Арманистон)

"Неман"

10 та учрашувда 7 та гол, 1 та голли пас ва 2 та огоҳлантириш

Кадимян тўпурарлар баҳсида Жасур Яхшибоевнинг асосий рақобатчиси. 28 ёшли футболчига Россия ва Украина жамоалари оғиз солмоқда.

ҲУЖУМЧИЛАР

Момо Янсане (Гвинея)

"Ислочь"

11 та учрашувда 4 гол, 2 та голли пас, 3 та огоҳлантириш ва 1 та четлатиш

Африкалик футболчи агенти ва жамоа раҳбарияти билан юзага келган можарога қарамай, майдонда ўзини кўрсатишда давом этмоқда. Чиройли гол уриш устаси, деган номга сазовор бўлди.

Ион Николаеску (Молдова)

"Витебск"

8 та учрашувда 5 та гол, 1 та огоҳлантириш

Бу жамоанинг  энг зўр ҳужумчиси кузда 22 ёшни қаршилайди. Ёш бўлишига қарамай, Молдова терма жамоасида 7 та ўйин ўтказган.

Жасурбек Яхшибоев (Ўзбекистон)

"Энергетик"-БГУ

10 та ўйин, 7 та гол, 1 та голли пас, 4 та огоҳлантириш

Ёш ўзбек ҳужумчиси мавсумни юқори савияда бошлади. Деярли ҳар бир учрашувда ўзини кўрсатиб келаётан футболчидан клубидагилар миннатдор. Бош мураббий Владимир Блеявскийнинг таъбири билан айтганда, унга эътироз йўқ, яхши ўйнаяпти ва голлар уряпти.