Evropa maydonlari. Hujum markazida – Yaxshiboev

Legionerlar eng noyob talantlar. “Pressbol” nashri Evropada milliy chempionat o‘yinlarini to‘xtatmagan yagona mamlakat - Belarusga kelib, bu mamlakat futbolini yorqin tomonlarini ko‘rsata olgan legioner futbolchilar ramziy terma jamoasini tuzib chiqdi.

GOLKIPER

Rodion Syamuk (Ukraina)

"Torpedo"- BelAZ

2 ta o‘yinda 4 da gol o‘tkazgan

Bu darvozabonning maydonga tushishi katta yutuq. 31 yoshli posbon bu imkoniyatga ega bo‘lishi uchun ichki raqobatda Vladimir Bushma Aleksey Kozlov kabi mahalliy iste’dodlarni engishi kerak.

HIMOYaChILAR

Aleksandar Filipovich (Serbiya)

“BATE”

8 o‘yinda 1 golli pas va 2 ta ogohlantirish

Bolqonlik yigit o‘ng qanot himoyasini muqim egalladi. U himoyalanishdan tashqari o‘tkir hujum uyushtirishga ham qodir. Markaziy himoyachisi vazifasini ham yuqori saviyada bajara oladi.

Dmitriy Yashin (Rossiya)

"Torpedo"- BelAZ

11 ta o‘yinda 3 ta ogohlantirish

Belarusdagi faoliyati davomida to‘rtta jamoani almashtirdi. U endi o‘z jamoasini topdi. Yashinning ishonchli o‘yini tufayli "Torpedo"- BelAZ kam gol o‘tkazyapti.

Nikola Antich (Serbiya)

"Shaxtyor"

 7 o‘yinda 5 ta golli pas va 1 ta ogohlantirish

Chempionat avvalida Antichda jarohat bor edi. Lekin uning o‘riniga maydonga tushgan futbolchilar ishonchni oqlay olmadi. Nihoyat, serb himoyachisi maydonga qaytganidan keyin jamoasi gol o‘tkazmayapti. Antichning o‘zi esa jamoadoshlarini qulay pozitsiyaga chiqarmoqda.

YaRIM HIMOYaChILAR

Yulius Szoke (Slovakiya)

"Shaxtyor"

8 ta o‘yinda 3 ta ogohlantirish

Slovakiyalik tayanch yarim himoyachining eng kuchli tomoni himoyadan hujumga o‘tishda ko‘rinmoqda. Raqib o‘yinini buzishda ham faol. Yakkakurashlarda raqibidan ustun kelmoqda.

Nemanya Milich (Serbiya)

“BATE”

9 ta o‘yinda 5 ta gol, 2 ta ogohlantirish.

Miliya chemponat boshida tajribali Pavel Nexaychikka raqobatni boy berdi. Zaxiradan mayonga tushib yurgan futbolchiberilgan imkoniyatdan unumli foydalanib, gol ura boshladi. So‘nggi turlarda uzluksiz gol urmoqda.

Gabriel Ramos (Braziliya)

"Torpedo"- BelAZ

10 ta uchrashuvda 3 gol, 4 golli pas va 3 ta ogohlantirish

24 yoshli futbolchi maydonda etakchilikni o‘z qo‘liga olishga cho‘chimaydi. Hujum tashkil qilishda mohir.

Gegam Kadimyan (Armaniston)

"Neman"

10 ta uchrashuvda 7 ta gol, 1 ta golli pas va 2 ta ogohlantirish

Kadimyan to‘purarlar bahsida Jasur Yaxshiboevning asosiy raqobatchisi. 28 yoshli futbolchiga Rossiya va Ukraina jamoalari og‘iz solmoqda.

HUJUMChILAR

Momo Yansane (Gvineya)

"Isloch"

11 ta uchrashuvda 4 gol, 2 ta golli pas, 3 ta ogohlantirish va 1 ta chetlatish

Afrikalik futbolchi agenti va jamoa rahbariyati bilan yuzaga kelgan mojaroga qaramay, maydonda o‘zini ko‘rsatishda davom etmoqda. Chiroyli gol urish ustasi, degan nomga sazovor bo‘ldi.

Ion Nikolaesku (Moldova)

"Vitebsk"

8 ta uchrashuvda 5 ta gol, 1 ta ogohlantirish

Bu jamoaning  eng zo‘r hujumchisi kuzda 22 yoshni qarshilaydi. Yosh bo‘lishiga qaramay, Moldova terma jamoasida 7 ta o‘yin o‘tkazgan.

Jasurbek Yaxshiboev (O‘zbekiston)

"Energetik"-BGU

10 ta o‘yin, 7 ta gol, 1 ta golli pas, 4 ta ogohlantirish

Yosh o‘zbek hujumchisi mavsumni yuqori saviyada boshladi. Deyarli har bir uchrashuvda o‘zini ko‘rsatib kelayotan futbolchidan klubidagi minnatdor. Bosh murabbiy Vladimir Bleyavskiyning ta’biri bilan aytganda, unga e’tiroz yo‘q, yaxshi o‘ynayapti va gollar uryapti.