Бельерин Ла Лигага қайтмоқчи

Собиқ "Барселона" футболчиси Эктор Бельерин Ла Лигага қайтиши мумкин. Гап шундаки, ҳимоячи "Реал Бетис"га ўтишни истайди ва музокаралар ўтказилмоқда, дея хабар берди Фабрицио Романо. 

Бельерин 2021/22 мавсумда севильяликлар таркибида ижара асосида ўйнаган. У Испания клубидаги фаолиятидан мамнун бўлиб, қолишга ҳаракат қилганди. Аммо "Арсенал" ва "Бетис" келишувга эриша олмаган. Агарда ушбу трансфер амалга ошса, 28 ёшли футболчи 1 йил давомида 3 марта жамоа алмаштирган кам-камдан ўйинчилар қаторига киради. 

Бельерин айни дам фаолиятининг энг яхши дамларини ўтказмаяпти. У "Барса"да заҳирага ўтириб қолди. Бундан ташқари, "Спортинг"да ҳам жароҳат олиб, мавсумнинг муҳим палласини ўтказиб юбормоқда.