Бельгия ғалабани бой берди

Халқаро ўртоқлик учрашувлари доирасидаги Бельгия - Кот-д'Ивуар учрашуви ўз якунига етди. Унда жамоалар 1:1 ҳисобидаги дурангга имзо чекди. 

Миши Батшуайи томонидан киритилган голга Кесси пенальтидан жавоб қайтарди.

• 90'
  

  Учрашув якунланди. Матнли трансляцияни Абдулвосид Валихонов олиб борди.

• 90+'
  

  Асосий вақтга 3 дақиқа қўшиб берилди.

• 90'
  

  Шунингдек, африканлар таркибида Пепе ўз ўрнини Акпа-Акпрога бўшатиб берди.

• 90'
  

  Кастань ўрнига Каямбе майдонга тушди.

• 87'
  

  ГОООООООООООООЛЛЛЛЛЛЛЛЛЛЛЛ!!! Кесси ҳисобни тенглаштирди. 

• 86'
  

  Борновнинг қоидабузарлиги пенальти билан якунланди. 

• 86'
  

  Борнов ҳам сариқ карточка ишлаб олишга улгурди.

• 85'
  

  Кастань офсайдда қолиб кетди. Ҳужум тўхтатилди.

• 82'

  Пепенинг зарбаси ноаниқ кетди.

• 82'

  Корненинг зарбаси ҳимоячилардан бирига тегди.

• 80'
  

  Пепенинг ғоят хавфли зарбасини бельгияликлар дарвозабони ушлаб қолди.

• 77'
  

  Миньоле ва Ванхеус ўрнига Кромбрюгге ва Борнов майдонга тушди.

• 73'
  

  Серей Дие ўрнига Майга ва Градель ўрнига Куаме майдонга ташланмоқда.

• 69'
  

  Жароҳатланган Байи ўрнига Коссону майдонга тушди.

• 68'
  

  Доку, Батшуайи ва Троссард майдонни тарк этмоқда. Ориги, Бентеке ҳамда Версарен улар ўрнида ҳаракат қилади.

• 67'
  

  Байи тиббий ёрдам қабул қилмоқда.

• 65'

  Градель жарима майдонига хавфли узатма амалга оширди. Миньоле ўз ўрнида.

• 64'
  

  Дендонкер ҳам сариқ карточка ишлаб олди.

• 63'
  

  Салемакерс сариқ карточка билан жазоланди.

• 62'

  Мехеле жарима майдони яқинида рақибига нисбатан қоидани бузди.

• 58'
  

  Ивуарликлар тез-тез офсайдда қолиб кетмоқда. Бу гал Максвелл Корне.

• 53'
  

  ГОООООООООООООЛЛЛЛЛЛЛЛЛЛЛЛЛ!!! Батшуайи ҳисобни очмоқда. Унинг ерлатиб берган зарбасини дарвозабон қайтара олмади.

• 52'
  

  Пепе офсайдда қолиб кетди.

• 51'

  Граделнинг зарбаси ноаниқ кетди.

• 50'

  Корненинг жарима майдони ичига узатма амалга оширишига ҳимоячилар йўл қўймади.

• 46'
  

  Иккинчи тайм бошланди.

• 45'
  

  Ҳакам биринчи таймга вақт қўшиб бермади. Танаффус.

• 40'

  Граделнинг олис масофадан берган зарбасини Миньоле қийинчиликсиз эгаллаб олди.

• 36'
  

  Пепенинг дарвоза томон тезлик олишига офсайд йўл қўймади.

• 32'

  Батшуайининг жаримадан йўллаган зарбаси ноаниқ кетди.

• 30'

  Кесси ўз жарима майдони яқинида фол ишлатди. Бельгияликлар яхши вазиятдан жарима тўпи тепади.

• 29'

  Салемакерс узоқдан зарба йўллади. Ноаниқ.

• 28'
  

  Максвелл Корне офсайдда қолиб кетди. Яхши имконият юзага келиши мумкин эди.

• 22'
  

  Серей Дие сариқ карточка ишлаб олди.

• 21'

  Градель жарима майдони ичида йиқилди. Аммо ҳакам барчаси жойида, деб ҳисобламоқда.

• 17'

  Батшуайининг зарбасини ҳимоячилар қайтаришга эришди.

• 14'

  Кастаннинг зарбаси йўлига ҳимоячи ғов бўлишга эришди.

• 14'

  Тўп назорати 60-40. Мезбонлар фойдасига.

• 9'

  Батшуайининг жарима майдони марказидан берган зарбасини дарвозабон ортиқча қийинчиликсиз ушлаб олди.

• 7'

  Жарима зарбасини Кесси қисқа пас билан ўйнади.

• 6'

  Дастлабки ҳужум ва имконият ивуарликларда. Улар жарима зарбаси амалга оширади.

• 1'
  

  Ўйин бошланди. 

• 0'

  Жамоалар майдонга тушиб келишди.

• 0'

  Ассалому алайкум, азиз футбол ихлосмандлари. Бельгия ва Кот-Д'ивуар терма жамоалари ўртасидаги учрашув бошланиш арафасида. Матнли трансляцияни Абдулвосид Валихонов олиб боради.