Бельгия сўнгги дақиқаларда камбэк қилиб, Сенегални мусобақадан чиқариб юборди

Жаҳон чемпионати 1/16 финалида Бельгия терма жамоаси Сенегални драматик тарзда 3:2 ҳисобида мағлуб этиб, кейинги босқичга йўл олди.
⠀
Беллашувда Сенегал 86-дақиқагача 2:0 ҳисобида олдинда бораётганди. Африкаликлар сафида Ҳабиб Диарра ва Исмаила Сарр ўз номини таблога ёздирди.
⠀
Бироқ ўйиннинг ҳал қилувчи паллаларида бельгияликлар ажойиб камбэк амалга оширди. Аввалига Ромелу Лукаку ҳисобни қисқартирди, ортидан Юри Тилеманс мувозанатни тиклади.
⠀
Қўшимча вақтнинг сўнгги дақиқаларида Бельгия пенальти ишлашга эришди. Тўп олдига келган Юри Тилеманс аниқ зарба билан жамоасига ғалаба келтирди ва дубль муаллифига айланди.
⠀
Шу тариқа, Бельгия 3:2 ҳисобида ғалаба қозониб, Жаҳон чемпионатининг 1/8 финалига чиқди.