Бельгия терма жамоаси мураббийлик постига жаҳон чемпионатини ютган мураббий келиши мумкин

Бельгия футбол федерацияси миллий терма жамоа бош мураббийлигига номзодлар рўйхатини маълум қилди. Асосий даъвогарлар 2014 йилда Германия билан жаҳон чемпионати кубогини қўлга киритган Йоахим Лёв, ПСЖнинг собиқ мураббийи Маурисио Почеттино ва "Марсель"да ишлаган Андре Виллаш-Боашлар ҳисобланади.

Эслатиб ўтамиз, "қизил иблислар"нинг аввалги устози Роберто Мартинес Қатарда бўлиб ўтган жаҳон чемпионатидаги қониқарсиз натижаси туфайли ишдан бўшатилди. Бельгияликлар гуруҳ босқичининг ўзидаёқ мусобақа билан хайрлашганди.