Белица: Ольмо 30 млнга баҳоланаётганида, Фелишни 126 млнга сотиб олиш аҳмоқлик

"Динамо” Загреб бош мураббийи Ненад Белица ёш футболчилар Дани Ольмо ҳамда Жоау Фелишни солиштирди: “Ольмо сабр ва қатъиятли, доим кўп меҳнат қиладиган юқори даражадаги футболчи. Мен нима учун гранд клублар уни ўз сафига қўшиб олмаётганини тушунмайман. Шунингдек, унинг нархи мени шокка туширди. Ольмо 30 млн атрофида баҳоланаётган бир пайтда, Фелишни 126 млнга харид қилиш аҳмоқлик.

Ольмо жуда кўп жиҳатлари билан Жоаудан устун туради. “Атлетико” унинг бу истеъдодини нега пайқамаганига тушуниш қийин. “Динамо” Загребда ўйнаб юрган давридаёқ, Дани Фелишдан яхшироқ танлов бўла олишини исботлаганди”.

22 ёшли футболчи Чемпионлар Лигаси чорак финалидан ўрин олган баҳсда “Атлетико” дарвозасига гол киритиб, жамоасининг кейинги босқичга чиқишига муносиб ҳисса қўшган эди.