Беллингем ва Рюдигер жанжал кўтарди

Европа Чемпионлар лигасининг чорак финал биринчи учрашувида “Арсенал”га йирик ҳисобда ютқазан “Реал”да ички муҳит бузилган кўринади.

Мадридликлар 16 апрелга белгиланган жавоб ўйинига тайёргарлик кўриш жараёнида кутилмаган ҳолатга дуч келди. Маълум бўлишича, машғулот чоғида икки юлдуз – Жуд Беллингем ва Антонио Рюдигер уришиб қолган.

Манбага кўра, жанжал ўйинчиларнинг машғулотда ўзаро қўпол ҳаракати оқибатида келиб чиққан. Бир бирига жаҳл қилган Жуд ва Антонио муштлашиб кетиш даражасида жанжаллашган.

Кейинчалик ҳар икки футболчи ўзини босиб олиб, можарога барҳам берди.