Бьелса "Лидс"ни премьер-лигада олиб қоладиган футболчиларни қидирмоқда

Англия премьер-лигасига қайтган “Лидс” ёзги трансферлар вақтида гранд клублар кўзлаётган истеъдодли футболчиларни олиб келмоқчи.

Янги мавсумда юқори дивизиондаги жойини сақлаб қолиш учун курашишни режа қилган Марсело Бьелса жамоаси қатор грандлар эътиборига тушган “Генк”  аъзоси Жонатан Дэвис, “Брентфорд” вакиллари – Саид Бенраҳма ва Олли Уоткинс, “Норвич” ўйинчиси Эмилиано Буэндиа ва “Брюгге” футболчиси Деннис Бонавентурани чақирмоқчи.

Энг қизиғи, бу трансферлар амалга ошиши учун “Лидс” раҳбарияти Марсело Бьелсанинг ўзи билан шартномани янгилаб қўйиши керак. Чунки тажрибали мураббий “Барселона”га таклиф этилиши мумкин бўлган мураббийлар рўйхатига киритилган.