“Бенфика” президенти: “Дарвин Нуньес учун 100 миллион евро таклиф қилишганда, кулиб юбордик”

"Бенфика” президенти Руй Кошта Дарвин Нуньеснинг “Ливерпуль”га трансфери жараёнида юз берган кулгили воқеани эслаб ўтди.

“‘Ливерпуль’' бизнинг футболчимизга қизиқиш билдирганини эшитганимизда, 40–45 миллион евро атрофида таклиф кутган эдик. Дарвин яхши мавсум ўтказган эди. Аммо икки кундан сўнг факс орқали мерсисайдликлар 80 миллион евро ва бонуслар билан расмий таклиф юборди. Залда ҳамма кулиб юборди.

Мен ёрдамчимга 100 миллион евро ва қўшимча бонуслар билан жавоб юборишни буюрдим. Эртагаси улар айнан шундай 100 миллион евроли янги таклиф билан чиқишди. Дунё ақлдан озган, бизнинг ёшлар жамоамизда Дарвиндан ҳам яхши ҳужумчилар бор эди. Шунда ёрдамчимга шампан очишни буюрдим”, — деди клуб раҳбари.

Маълумот учун, уругвайлик форвард ҳозирда Саудия Арабистонининг “Ал-Ҳилол” жамоаси сафида тўп сурмоқда.