"Бенфика" хавбеки "Сити" ва "Милан" ҳушини олди

"Бенфика" ярим ҳимоячиси Флорентину Луиш ёзда Англия ёки Италия чемпиноатига йўл олиши мумкин.

Transfermarkt нашри хабарига кўра, 20 ёшли португалиялик футболчи учун "Милан" ва "Манчестер Сити" қизиқиш билдирмоқда.

Луиш жорий мавсумда асосий таркибда 15 та ўйинда майдонга тушиб битта голли узатмага муаллифлик қилган. Унинг трансфер нархи 18 миллион еврога баҳоланмоқда.