Бензема “Барса”дан чорлов олганди...

Бугунги кунда “Реал” етакчиси ва асосий тўпурарига айланган Карим Бензема тақдир тақозоси билан “Барселона”да порлаши ҳам мумкин эди.

2008 йили каталонияликлар спорт директори бўлиб ишлаган Чики Бегирстайн “Лион”дан Карим Бенземани трансфер қилишни режалаштирган эди. Бироқ испаниялик мутахассисга франциялик футболчининг ўзини тутиши ёқмагани боис бу режасини амалга оширмаган.

Маълумотларга қараганда, Карим Бензема Бегирстайн билан суҳбат чоғида унинг юзига қарашни ҳам ўзига эп кўрмаган экан. Шундан сўнг, каталонияликлар вакили бу ўйинчи “Барселона”нинг юлдузли таркибида ўзига жой ажарата олмайди, деган хулосага келган.

Кейин “Барселона” Златан Иброҳимовични трансфер қилган бўлса, Бензема бир йилдан сўнг “Реал” сафига кўчиб ўтган.