Бензема ўрнига 10 та ҳужумчи

“Реал” ҳужумчиси Карим Бенземанинг фаолияти қандай давом этиши ҳозирча номаълум. 35 ёшли футболчи “Олтин тўп”ни қўлга киритганидан кейин ўйинида барқарорлик етишмай қолди. Бир ёрқин ўйнаса, бир неча учрашувларда кўринмай қоляпти. Жароҳатларга мойил бўлиб қолгани ҳам бор гап. 

Мадридликлар айни дамда франциялик футболчига муносиб ўринбосар қидирмоқда. Журналистлар “Реал” олиши мумкин бўлган ҳужумчилар имкониятини ўрганиб чиқди.

Мутахассисларнинг таъкидлашича, “Реал”да тўп тепишга биринчи навбатда Килиан Мбаппе ва Эрлинг Холанд муносиб. Бироқ, Мбаппе характери оғирлиги жиҳатидан мадридликларга мос тушмаслиги эҳтимоли катта.

Идеал вариант сифатида Германия ва Англияда тўпурарлик маҳоратини намойиш қилаётган Эрлинг Холанд тилга олинмоқда. Норвегиялик юлдузнинг ҳам “Реал”да ўйнаш нияти йўқ эмас.

Шунингдек, “Қироллик клуби” Карим Бенземага ўринбосар сифатида Ҳарри Кейн, Виктор Осимхен, Душан Влахович, Рафаэль Леау, Гонсалу Рамуш, Ромелу Лукаку, Лаутаро Мартинес, Рандаль Коло-Муани каби ҳужумчилардан бирини танлаши мумкин.