Бензема қанча муддатга сафдан чиққани маълум

“Реал” ҳужумчиси Карим Бенземанинг жароҳати жиддий эмас эди.

Ҳужумчи Чемпионлар лигаси гуруҳ босқичи 1-туридан ўрин олган "Селтик"га (3:0) қарши ўйиннинг 30-дақиқасида алмаштирилди.

“AS” нашри хабарига кўра, франциялик футболчи тизза жароҳат олган ва 7-10 кунга сафдан чиққан.

Катта эҳтимол билан Бензема 18 сентябр куни "Атлетико"га қарши ўйинда тикланади.

Эслатиб ўтамиз, кеча “Реал” Шотландияга сафар уюштириб, маҳаллий “Селтик” клубини 3:0 ҳисобида мағлубиятга учратди. Голларга Винисиус, Модрич ва Азар муаллифлик қилди.