Бензема "Реал" афсонасини ортда қолдирди

"Реал" ҳужумчиси Карим Бензема Чемпионлар лигасида энг кўп ўйин ўтказиш борасида клуб тарихидаги энг яхши 4-натижани қайд этди. Бу ҳақда Opta статистик портали хабар бермоқда.

Кеча ЕЧЛнинг 1/4 финалидан ўрин олган "Ливерпуль"га (3:1) қарши баҳс 33 ёшли француз учун ушбу мусобақадаги 108-ўйин бўлди. Карим бу борада “Қироллик клуби”нинг афсонавий ҳимоячиси Роберто Карлосни (107) ортда қолдирди. “Реал” тарихида ЕЧЛда энг кўп ўйин ўтказган футболчилар Серхио Рамос (128), Рауль (130) ва Икер Касильяс (150) ҳисобланади.

Бензема жорий мавсум "Реал" сафида 34 та ўйинда майдонга тушди. У ушбу ўйинларда ўз ҳисобига 24 та гол ҳамда 6 та голли узатма ёздириб қўйди.

“Реал” Ла Лигада 63 очко билан 3-ўринда бормоқда. Мадридликларнинг “Ливерпуль”га қарши жавоб ўйини 14 апрель куни “Энфилд”да бўлиб ўтади.

Фикрлар

Фикр қолдириш учун авторизациядан ўтинг!