Benzema "Real" uchun o‘ynashdan zerikdimi? Desham javob berdi

Frantsiya terma jamoasi bosh murabbiyi Dide Desham jamoa etakchisi Karim Benzema to‘g‘risida o‘z fikrlarini bildirib o‘tdi.

"U Jahon chempionati o‘zi uchun muhim musobaqa ekanini yaxshi biladi. U hamma qatori 22 noyabr sanasiga tayyor bo‘lish uchun hamma narsa qilishga shay holatda. 

Benzema "Real" uchun o‘ynashdan zerikdi, degan gaplarga umuman qo‘shilmayman. U shunchaki jarohatidan tiklanib ulgurmayapti. 

Ishonchim komil, Karim mundialga tayyor holatda etib keladi. U biz uchun katta ahamiyatga ega futbolchi", - dedi mutaxassis.

Eslatib o‘tamiz, Frantsiya Jahon chempionati ilk turida Avstraliyaga qarshi saf tortadi. Bahs 22-dan 23 noyabrga o‘tar kechasi 00:00 da start oladi.