Бензема ва "Ал-Иттиҳод" устози ўртасида зиддият келиб чиқди

Карим Бенземанинг "Ал-Иттиҳод" бош мураббийи билан муносабати яхши эмас. 

"Asharq Al-Awsat" нашри хабарига кўра, ўтган мавсумдан бери клубга мураббий қилиб келаётган Нуну Эшпириту Санту билан раҳбариятги ҳужумчи ўзининг ўйин услубига тўғри келмаслигини тушунтирган. 

Бундан ташқари, Карим Саудия грандига ўтгач, сардорлик боғичини олишни кутганди, аммо бу амалга ошмади. Ушбу омиллар бир бўлиб, мураббий ва футболчи ўртасида зиддиятни келтириб чиқарган. Француз айни дам жамоада ўзини ноқулай ҳис қилмоқда ва Нуну ўзини нопрофессионал тутяпти, деб ҳисоблайди. 

Бензема "Ал-Иттиҳод" сафида 6 ўйинда майдонга тушиб, 3 та гол ва 2 та голли узатма муаллифига айланган.