Бенземанинг қайтиши билан футболкалар сотуви 2400 фоизга ошди

"Реал" ҳужумчиси Карим Бенземанинг Франция терма жамоасига чақирилиши терма жамоа либослари савдосига кучли таъсир кўрсатди.

Таркиб эълон қилингандан бери Франция терма жамоаси футболкалари савдоси 2400 фоизга ўсди. Бу ҳақда Marca нашри хабар бермоқда.

Қайд этилишича, Бенземанинг қайтиши “Евро-2020”да иштирок этадиган терма жамоалар орасида либос сотиш бўйича Францияни биринчи ўринга олиб чиқиши мумкин. Амалдаги жаҳон чемпионларининг техник ҳамкори Nike компанияси ҳисобланади.

Франция терма жамоаси Европа чемпионатининг “F” гуруҳида кураш олиб боради. Ушбу гуруҳдан Германия, Португалия ҳамда Венгрия терма жамоалари ҳам жой олган.