Бердиев: "Жигаурига ҳеч ким пенальти борасида кўрсатма бергани йўқ"

"Насаф" сўнгги пайтларда пенальтидан фойдаланиш борасида оқсамоқда. "Шаржа"га қарши биринчи ўйинда Азиз Омонов, иккинчи басҳда эса Жаба Жигаури 11 метрлик жаримадан гол ура олмади. Ўйиндан кейинги матбуот анжуманида Рўзиқул Бердиев пенальти борасидаги саволга ҳам жавоб берди. 

"Пенальтидан фойдаланиш учун маҳоратга ҳам эга бўлиш керак. Йигитларни бу борада қийналаётганлиги руҳий ҳолат билан боғлиқ. Бугун Жигаурига пенальтини теп, деб ҳеч ким айтгани йўқ. Бу унинг қарори эди. Кўрсатмада фақатгина 3 футболчини тепиш айтилган. Жаба, Бозоров ва Насруллаев. Баъзида ким ўзига ишонса, ўша ўз зиммасига олсин, дейилган. Бугун Жигаури бу вазифани амалга оширмоқчи эди. Аммо гол ура олмади. Яхшиси, бу ҳолатга урғуни бермайлик", - деди мутахассис.

"Насаф" 4-турдан кейин 7 очко билан гуруҳда иккинчи ўринда бормоқда. "Аждарлар" пешқадам бўлиб турган "Шаржа"дан 1 очкога ортда қоляпти.   

Фикрлар

Саралаш
Фикр қолдириш учун авторизациядан ўтинг!
Шоим Зарипов
07/11/2023 09:13
Бедиевни уйинчилик давридан шу пайтгача хеч качон танкид килмаганман лекин тугриси жонга тегди качон карама 11метрдан гол уришолмайди нима 3та яхши уйинчини тахлаш шунча кийинми кайсини карасанг дарвозабонни кулига беради нахотки дарвозабонни алдаб кейин тепиш шунчалик кийин булса Рузикул келинг хеч кимни айбламайлик дейди УЯТ ШАРМАНДАЛИК
.
Жавоб ёзиш