Биласизми? Гризманн Симеонега ўз келажаги ҳақида бир неча ой олдин айтган
Ads

Мадриднинг "Атлетико" клуби форварди Антуан Гризманн ўзининг келажак фаолиятини қаерда давом эттириши ҳақида жамоа бош мураббийи Диего Симеонени бир неча ой олдин огоҳлантирган. Бу ҳақда AS нашри хабар бермоқда.

Юқоридаги нашрнинг ёзишича франциялик футболчи устозига ўтган йилнинг декабридаёқ ёзда “Барселона”га ўтишини айтган. Айтиш лозимки Гризманнинг бу қарори ҳақида нафақат Симеоне, балки кейинчалик клуб раҳбарияти ва футболчилари ҳам хабар топишган.

Маълумот учун, Гризманн жорий мавсум Ла Лигада жами 30та учрашувда майдонга тушиб, ўз ҳисобига 19та гол ҳамда 8та голли узатма ёздириб қўйишга эришган.