“Binokor” direktori: Samarqandda xokkey klubi ham, maktabi ham yo‘q

"Qozog‘iston chempionatida “Binokor” emas, “Sherdor” ishtirok etishi borasidagi xabarni OAV orqali bildim. Bilishimcha, Samarqandda xokkey klubi ham, maktabi ham yo‘q. 

Men “Binokor” rahbari sifatida ishni xokkey maktabini rivojlantirishdan boshlayman. Jamoamiz O‘zbekiston chempionatidagi ishtirokini davom ettiradi. 2007-08 yillarda tug‘ilgan yosh xokkeychilarimizni esa Qozog‘iston chempionatida ishtirok etishlariga harakat qilib ko‘ramiz. Biz O‘zbekiston xokkey federatsiyasiga yoshlar o‘rtasidagi Qozog‘iston chempionatida ishtirok etish uchun nomzod xokkeychilar ro‘yxatini taqdim etdik. 

Umid qilamanki, federatsiya bizning ushbu taklifimizni qo‘llab-quvvatlaydi. Bu narsa o‘yin amaliyotisiz qolayotgan yigitlar uchun ham qo‘shimcha motivatsiya beradi”, - deb Nosirovning so‘zlarini keltirib o‘tdi Sportx.