Бир ҳужумчи учун уч клуб курашяпти
Англия Премьер-лигасини тарк этган “Вест Хэм” клуби ҳужумичиси Крисенсио Саммервиллга Англия Премьер-лигасининг уч клуби қизиқиш билдирмоқда.
The Guardian нашри хабарига кўра, “Челси” ва “Манчестер Юнайтед” маҳоратли футболчини анчадан бери кузатиб келмоқда. Энди улар сафига “Фулхэм” ҳам қўшилди.
Манбага кўра, Чемпионшипга тушиб кетган “Вест Хэм” молиявий аҳволини ўнглаб олиши учун етакчи ўйинчилардан ҳисобланган Саммервилл билан ёзги трансфер ойнасида хайрлашиши кутилмоқда.
24 ёшли футболчи ўтган мавсумда 34 та учрашувда 7 та гол уриб, 5 та голли узатмани амалга оширган. Унинг клуб билан шартномаси 2029 йилнинг ярмигача амал қилади. Transfermarkt унинг бозор қийматини 35 миллион евро деб баҳолаган.
Фикрлар