Бир қатор ҳакамларимиз БААда малака оширмоқда
Ўзбекистонлик бир қатор ҳакамлар Бирлашган Араб Амирликлари таклифига биноан, ушбу давлатда бўлиб ўтаётган семинарда иштирок этмоқда. Бу ҳақида ЎФА расмий "Телеграм" саҳифаси маълумот бермоқда.
"26-29 март кунлари Бирлашган Aраб Aмирлигининг Дубай шаҳрида ВAР ҳакамлари учун ўқув семинари ташкил этилмоқда.
БAA футбол ассоциацияси таклифига биноан ўзбекистонлик 7 нафар ҳакам ушбу семинарда иштирок этмоқда. Шунингдек, ўзбекистонлик ФИФA инструктори Фарҳод Aбдуллаев мазкур семинарда маъруза ўқиди.
Илгиз Танташев 29-март санасида бўлиб ўтадиган БAA – Ҳиндистон ўртоқлик учрашувини бошқариб боради. Унга қанотларда Aндрей Цапенко ва Тимур Гайнулин ёрдам беради", - деб ёзади расмий канал.
Фикрлар