Биринчи давра "Навбаҳор" сафида энг кўп ўйин ўтказган футболчиларни биласизми? (Рўйхат)

“Навбаҳор” клуби матбуот хизмати жамоанинг 1-даврада қайд этган статистик натижалари билан таништириб бормоқда.

Ўзингизга маълум, “лочинлар” давралар оралиғидаги танаффусга турнир пешқадами сифатида чиқиб кетишди. Албатта, бундай ижобий натижага эришиш ортида клуб раҳбарияти, жамоа мураббийлар штаби ва футболчиларнинг улкан меҳнатлари самараси ётибди.

Кўпчиликка маълум, ғалаба қозонишда майдонда ҳаракат қиладиган ўйинчиларнинг ҳиссаси муҳим омил саналади. Хўш, “Навбаҳор”нинг Суперлига 1-даврасидаги баҳсларида майдонда ким қанча ҳаракат қилди?

Биринчи давра ўйинларида “Навбаҳор” таркибида 18 нафар футболчи майдонга тушди. Улардан 3 нафари, яъни, 31 ёшли тажрибали дарвозабон Ўткир Юсупов, шунингдек, ҳимоячи Давронбек Ҳошимов ҳамда сербиялик ярим ҳимоячи Йован Жокич ортда қолган 13 та баҳсда тўлиқ, яъни, 1170 дақиқа давомида майдонда тўп тепишди.

Бундан ташқари, яна 4 нафар футболчи, Жамшид Искандеров, Рустамжон Ашурматов, Жамшид Болтабоев ва Зоран Марушич ҳам 13 та ўйинда майдонда ҳаракат қилишди, аммо мазкур ўйинчилар айрим баҳсларда алиштирилдилар ёки захирадан майдонга тушдилар.

Қуйида сизларни “Навбаҳор” футболчиларининг жорий мавсумнинг 1-даврасидаги статистикаси билан таништирамиз.