Biz uchun noxush xabar!

Xabaringiz bor, Ibrohimhalil Yo‘ldoshev faoliyatini Rossiyaning "Nijniy Novgorod" jamoasi safida davom ettiryapti. 

Bugun u o‘z jamoasi bilan "Rostov"ga qarshi o‘yin o‘tkazdi. Mazkur bahsda Kerjakov shogirdlari 2:1 hisobida raqibdan ustun keldi. 

Afsuski, uchrashuvning 62-daqiqasida Yo‘ldoshev jarohat olib, maydonni tark etdi. Hozircha uning holati va qachon safga qaytishi haqida hech qanday ma’lumot berilgani yo‘q. 

Eslatib o‘tamiz, "Nijniy Novgorod" ayni vaqtda RPLning 23 turidan so‘ng 27 ochko to‘plagan holda, turnir jadvalining 9-o‘rinida bormoqda.