Бизда ўйнасанг, маошинг тўрт баравар ошади!

“Арсенал” раҳбарияти Англиянинг бир қатор гранд клублари нишонида турган Деклан Райсни трансфер қилиш йўлини қидирмоқда.

“Тўпчилар” истеъдодли ярим ҳимоячини катта маош билан ўзига оғдирмоқчи.  The Mirror нашрининг ёзишича,  “Арсенал” бу футболчига ҳар ҳафта 240 минг фунтдан маош тўлашга тайёрлигини билдирган.

Деклан Райс айни пайтда “Вест Хэм”да анча камтарона маблағ оляпти. Бу жамоа дунёнинг энг зўр таянч ярим ҳимоячиларидан бирига ҳар етти кунда 60 минг фунтдан беряпти.

“Вест Хэм” анчадан бери 24 ёшли футболчини ҳеч кимга бермаяпти. Бу гал ҳам клуб ўз сардори учун 100 миллион евродан ортиқ бадал пули сўрамоқда.