Бизда Роналдуга жой йўқ!

ПСЖ президенти Нассер Ал-Хелаифий унинг клуби жамоасиз юрган Криштиану Роналдуни ўз сафига қўшиб олиши мумкинлиги ҳақидаги хабарларга муносабат билдирди.

- Таркибимизда Лионель Месси, Килиан Мбаппе ва Неймар борлигини инобатга олиб, Криштиану Роналдуни сафимизга қўшишда ҳеч қандай мантиқ кўрмаяпман. Шунга қарамай, унга омад тилаб қоламан,  - деди Нассер Ал-Хелаифий Sky News нашрига.

Криштиану Роналду шов-шувли интервьюсидан кейин “Манчестер Юнайтед” билан амалдаги шартномани бекор қилишга мажбур бўлди.

“Манчестер Юнайтед”да икки маротаба тўп тепган 37 ёшли юлдуз жами 346 та ўйинда рақиблар дарвозасига 145 та гол урган.