Боатенгни Лондонда кутишмоқда

Лондоннинг икки клуби - "Челси" ва "Арсенал" мавсумлар оралиғидаги трансферлар даврида "Бавария" ҳимоячиси Жером Боатенг учун кураш олиб боришади. Бу ҳақда Bild нашри хабар тарқатмоқда.

“Бавария”, бундан аввалроқ, Боатенгни карантин қоидаларини бузгани учун жаримага тортган эди. Футболчи шу сабабдан ҳам мюнхенликлар сафидан кетиши мумкин.

31 ёшли Боатенг “Бавария” сафида 2011 йилдан буён тўп суриб келмоқда. У жорий мавсум 16 та ўйинда майдонга тушди. Унинг клуб билан амалдаги шартномаси эса 2021 йилга қадар имзоланган.