Богдан Пшебельский: "Шоҳасан, секундантларингга айт, сен учун кислород баллонини тайёрлаб қўйсин"

Таниқли ММА устаси, ҳамюртимиз Шоҳасан Мирзаматовнинг бўлажак рақиби Богдан Пшебельский ўзаро жанг олдидан Instagram тармоғига пост жойлади.

“Ростини айтсам, сен ўзингни жуда катта оласан, лекин мен бунга унчалик эътибор бермайман. Умуман олганда, мени енгаман деб ўйлайсанми? Ишончим комил, камар фақат орзуйинг бўлиб қолади. Ўйлашимча, сен мени жиддий қабул қилмаяпсан. Шу учун сени биринчи раунддаёқ нокаут қилишни режалаштиряпман. Секундантларингга айт, кислород баллонини тайёрлаб қўйсин, чунки сен учун "бу сув чуқурлик қилади". 2 апрель куни кўришамиз. Қозоғистон, олға!” - деб ёзган Богдан.

Эслатиб ўтамиз, Шоҳасан Мирзаматов ва Пшебельский 2 апрель куни Тошкент шаҳридаги "Ҳумо арена" мажмуасида ярим ўрта вазнда Octagon лига чемпионлик камари учун жанг қилади.