Бокс бўйича жаҳон чемпионатида жами нечта медаль қўлга киритилди?

Польшада якунига етган бокс бўйича ёшлар ўртасидаги жаҳон чемпионатида Ўзбекистон қизлар ва ўғил болалар терма жамоаси тўлиқ таркибда иштирок этди. 

Қизларимиздан -54 кг вазн тоифасида Нигина Ўктамова жаҳон чемпионати илк олтин медални қўлга киритган бўлса, -64 кг вазнда Моҳинабону Абдуллаева кумуш медаль соҳибига айланди. 

Бундан ташқари, яна 4 нафар қизларимиз -57 кгда Ситора Турдибекова, -60 кгда Дилфуза Бекова, -75 кгда Соҳиба Рўзметова ва -69 кг вазнда Ҳадичабону Абдуллаева бронза медалига эга бўлдилар. 

Бу борада йигитларимизда гарчи медаллар сони камроқ бўлса-да, чемпионлар сони кўпроқ бўлди.

Финалга қадар барча рақибларини мағлуб этган ҳолда етиб келган -52 кг вазнли боксчимиз Шаҳзод Музаффаров сўнгги жангда ҳам ўз сўзини айтди ва мусобақа ғолиби бўлди.

Энг оғир вазн тоифасида ҳисобланган +91 кг вазнда Жаҳонгир Зокиров финалда рақибини муддатидан аввал мағлуб этиб, юртимизга иккинчи олтин медални келтирди. 

Шунингдек, -69 кгда иштирок этган Аълохон Абдуллаев ва -81 кг вазн тоифасида Шоҳжаҳон Абдуллаев мусобақанинг бронза медалларига эга чиқдилар.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
&
Турсун Ғани
25/04/2021 22:33
Булар Ўзбек боксини келажаги, ва муносиб давомчилари, қани энди бошқа спорт турларимиз ҳам бокс федерациясидан ўрнак олиб ишлаб, мана шундай натижаларни кўрсатишса.