Бокс. Фьюрининг отаси: Агар Жошуа билан жанг бекор бўлса, бизда бошқа номзодлар бор

Оғир вазн тоифасида WBC чемпиони Тайсон Фьюрининг отаси Жон Фьюри ўғлининг Энтони Жошуа билан бўлажак жанги барбод бўлган тақдирда, унинг ўрнига рақиб бўлиши мумкин бўлган эҳтимолий боксчилар номини айтди.

Эслатиб ўтамиз, бундан аввалроқ Жошуа ва Фьюри ўртасидаги жанг 3 декабрь куни Кардиффда бўлиб ўтиши хабар қилинган эди. Аммо томонлар ҳалигача келишувга эриша олишмаган.

“Жангнинг бу йил бўлиб ўтиши жуда шубҳали. Биз жанг ўтказиш учун Жошуа ва унинг жамоасинитаъқиб қилмоқдамиз. Лекин улар шунчаки буни хоҳламашмаяппти. Ишонаманки, Жошуа ўз ғалабасига шубҳа қиляпти.

Биласизми, улар билан шартнома имзолаш бўйича анчадан бери ишлар олиб борилмоқда, аммо ҳозирча ҳеч нарса содир бўлмади. Улар музокараларни икки йилга чўзишга уринмоқда, аммо биз буни хоҳламаймиз.

Тайсон шартнома имзоланишини истагани учун муддатни белгилаб қўйди.

Биз яна бир қатор бошқа боксчилар вариантини ҳам кўриб чиқамих. Биз Энди Руиз, Луис Ортис, Филип Хргович ва бошқа жанг қилмоқчи бўлган барча номзодларни ўрганиб чиқамиз”, - деди Фьюри.