Бокс. IBA Россия ва Беларусь боксчиларига қўйилган тақиқни бекор қилди

Халқаро бокс федерацияси (IBA) директорлар кенгаши Россия ва Беларусь давлати спортчиларини мусобақаларга қўймаслик бўйича аввалги қарорни бекор қилиш учун овоз берди ва энди ушбу мамлакат боксчилари IBA шафелигида ўтказиладиган барча мусобақаларда ўз давлат байроқлари остида иштирок этишлари мумкин.

“IBA сиёсат спортга ҳеч қандай таъсир кўрсатмаслиги кераклигига қатъий амал қилади. Шунинг учун барча спортчиларга тенг шароит яратилиши керак.

Халқаро спорт федерацияси сифатида автономияни ҳурмат қилган ҳолда, IBA сиёсий жиҳатдан нейтрал ва мустақил бўлиб қолиши керак.

IBA тинчликка чақиради ва ҳар қандай можарода тинчликпарвар бўлиб қолади. Бундан ташқари, IBA спортчилар ва мусобақа расмийларига, уларнинг фуқаролиги ва яшаш жойидан қатъи назар, тенг муносабатда бўлишини таъминлаши шарт.

Қарорга кўра, Россия ва Беларусиядан ҳакамлар ва техник ходимлар мусобақага қайтадилар, барча боксчилар ўз мамлакатлари байроқлари остида рингга чиқадилар”, — дейилади Россия бокс федерацияси хабарида.

Эслатиб ўтамиз, Сентябр охирида россиялик Умар Кремлёв Халқаро бокс ассоциацияси (IBA) президентлигига қайта сайланган эди.

Фикрлар

Фикр қолдириш учун авторизациядан ўтинг!