Бокс. Жаҳон чемпионати ярим финалида рингга чиқадиган боксчиларимиз 10 тага етди!

Ўзбекистон терма жамоасининг 10 нафар боксчиси Испанияда бўлиб ўтаётган ўсмирлар ўртасидаги жаҳон чемпионати ярим финалига йўл олди.

Кеча 4 нафар вакилимиз чорак финал жангларини ўтказди ва қуйидаги натижаларни қайд этди:

-80 кг вазнли боксчимиз Раҳматилло Бойматов чорак финалда грециялик рақибга қарши рингга кўтарилди ва қийин жангда ғалабага эришди - 4:1!

- Саҳобат Ҳусанова (-75 кг) 2-раундда эквадорлик рақибасини техник нокаутга учратди ва ғалаба қозонди!

-57 кг вазн тоифасида Бахтиёр Асадов Марокаш вакилини мағлуб этди! 

-71 кг вазн тоифасида Фазлиддин Эркинбоев туркиялик рақибидан устун келди ва ғалаба қозонди!

Фикрлар

Фикр қолдириш учун авторизациядан ўтинг!