Бокс. Ўзбекистон ёшлар терма жамоаси Руминиядаги халқаро турнирга йўл олди

21-28 февраль кунлари Руминиянинг Брашов шаҳрида бокс бўйича "Dracula Open" халқаро турнири бўлиб ўтади. Бу ҳақда Ўзбекистон бокс федерацияси матбуот хизмати хабар бермоқда.

Манбага кўра, ушбу мусобақада ўзбекистонлик ёш чарм қўлқоп усталари ҳам рингга кўтарилишади. Бугун тонгда мусобақада иштирок этувчи вакилларимиз Руминияга жўнаб кетишди.

Терма жамоамиз қуйидаги таркибда баҳсларга йўл олди:

-51 кг: Мирали Мавлонов
-60 кг: Сайат Илясов
-67 кг: Шавкатжон Болтаев
-71 кг: Жавоҳир Умматалиев
-75 кг: Фазлиддин Эркинбоев

Бош мураббий: Олим Мухамедов
Мураббий: Шерзод Аҳмаджонов