Бокс. Қозоғистондаги турнирда ҳам ярим финал жанглари якунланди

Астана шаҳри мезбонлик қилаётган “Элорда кубоги” баҳсларининг эркаклар ўртасидаги ярим финал учрашувлари ўтказилди. Бугун 5 нафар боксчимиз финал учун рингга кўтарилди.

Афсуски улардан, Миразизбек Мирзаҳалилов ва Аълохон Абдуллаевлар мезбон бокчиларга имкониятни бой бериб, турнирни бронза медали билан якунладилар. Қолган 3 нафар боксчимиз финалга йўл олди. 

Натижалар билан танишинг:

-63,5 кг: Атҳамжон Муҳиддинов - Алмат Абдуали (Қозоғистон) 5:0

-71 кг: Ҳавасбек Асадуллаев - Аман Конисбеков (Қозоғистон) 4:1

-80 кг: Раҳматулло Бойматов - Аятулла Такежанов (Қозоғистон) 5:0

Бугун шунингдек Россиянинг Хабаровск шаҳрида бўлиб ўтаётган “Константин Коротков” халқаро хотира турнирида ҳам ярим финал жанглари бўлиб ўтди ва унда иштирок этган 11 нафар боксчимизнинг барчаси финал йўлланмасини қўлга киритди.