Бокс: Руслан Абдуллаев Осиё чемпионатини ғалаба билан бошлади!

Бокс бўйича Осиё чемпионатининг бугунги кун дастуридан ўрин олган, иккинчи вакилимизнинг жанги ҳам ўз якунига етди. -63,5 кг вазн тоифасида юртимиз шарафини ҳимоя қилаётган Руслан Абдуллаев япониялик Шунсуке Китамото билан баҳс юритди.

Ушбу қарама-қаршиликда катта устунликка эришган юртдошимиз рақибига хеч қандай имконият қолдирмаган ҳолда, 5:0 ҳисобида ҳақли ғалабани қўлга киритди.

Энди, Абдуллаев кейинги босқичда қозоғистонлик Санъатали Тўлтаев билан тўқнаш келади.