Boks. Stranja-2023: Bahodir Jalolov muddatidan avval chempion bo‘ldi. Sababi...

Xabaringiz bor, bugun Bolgariyadagi "Stranja-2023" xalqaro turnirining final janglari o‘tkazilmoqda. O‘zbekiston boks federatsiyasi matbuot xizmatining ma’lum qilishicha, ikki nafar hamyurtimiz - Bahodir Jalolov va Shohjahon Abdullaev muddatidan oldin chempion bo‘ldi. Terma jamoamiz bosh murabbiyi To‘lqin Qilichevning so‘zlariga ko‘ra, bokschilarimizning raqiblari bugungi final jangiga chiqishdan bosh tortishgan.

Yigitlarimiz ishtirokidagi qolgan final bahslari esa rejaga binoan Toshkent vaqti bilan soat 20:00da boshlanadi.