Бокс. Странжа-2023: Баҳодир Жалолов муддатидан аввал чемпион бўлди. Сабаби...

Хабарингиз бор, бугун Болгариядаги "Странжа-2023" халқаро турнирининг финал жанглари ўтказилмоқда. Ўзбекистон бокс федерацияси матбуот хизматининг маълум қилишича, икки нафар ҳамюртимиз - Баҳодир Жалолов ва Шоҳжаҳон Абдуллаев муддатидан олдин чемпион бўлди. Терма жамоамиз бош мураббийи Тўлқин Қиличевнинг сўзларига кўра, боксчиларимизнинг рақиблари бугунги финал жангига чиқишдан бош тортишган.

Йигитларимиз иштирокидаги қолган финал баҳслари эса режага биноан Тошкент вақти билан соат 20:00да бошланади.