Бокс. В.А.Золотарёв хотирасига бағишланган халқаро турнир. Ҳасанбой Дўсматов рингга кўтарилмоқда

Андижонда В.А.Золотарёв хотирасига бағишланган халқаро турнир давом этмоқда. Бугун, ярим финал жанглари бўлиб ўтади.

Қуйида барча натижаларни онлайн ёзиб борамиз. Ғалаба қозонган боксчилар қорайтирилган тарзда бериб борилади.

Кундузги дастур:

-48 кг: Асилбек Жалилов (Бухоро) - Камронбек Маннобов (Андижон)

Камронбек Маннобов қизиқарли кечган жангда ғалаба қозонди ва финалга йўл олди.

-48 кг: Дониёр Бекмуродов (Ёшлар терма жамоаси) - Нодиржон Мирзаҳмедов (Тошкент)

Тажрибали Нодир Мирзаҳмедов ғалаба қозонди ва финал йўлланмасини нақд қилди.

-51 кг: Ҳасанбой Дўсматов (Андижон) - Шодиёр Мелиқўзиев (Фарғона)

Ҳасанбой Дўсматов ёш рақибига ўзига хос мастер-класс ўтаб берди. Ҳатто, иккинчи раундда Мелиқўзиев нокдаун ҳолатига тушиб қолди. Яққол доминантлик қилган Ҳасанбой якунда финалга йўл олди.

-51 кг: Зиёвуддин Алижонов (Ёшлар терма жамоаси) - Фозилжон Абдумуродов (Жиззах)

Фозилжон Абдумуродов қийин жангда ғалаба қозонди.

-54 кг: Садирбек Камолмирзаев (Фарғона) - Авазжон Йўлдошев (Фарғона)

Авазжон Йўлдошев 2-раунддан жароҳат олганлиги сабабли ғалаба Садирбек Камолмирзаевга берилди.

-54 кг: Абдували Бўрибоев (Ёшлар терма жамоаси) - Санжар Ваҳобов (Тошкент вилояти)

Санжар Ваҳобов қийин кечган жангда ғалабага эришди.

-57 кг: Абдумалик Ҳалаков (Тошкент вилояти) - Акиитай Рабатов (Қозоғистон)

Халаковда бироз жароҳат сабаб бу жанг ўтказилмади.

-57 кг: Мирзабек Мирзаҳалилов (Фарғона) - Самандар Холмуродов (Жиззах)

Холмуродов қийин кечган жангда ғалаба қозонди.

-60 кг: Сирожбек Исмоилов (Андижон) - Эрасил Танкай (Қозоғистон)

Шунқор Абдурасуловни сенсацион тарзда мусобақалар чиқариб юборган Сирож Исмоилов ғалабали одимини давом эттиради ва финалга йўл олди.

-60 кг: Дилшод Абдумуродов (Сурхондарё) - Адҳам Муҳтдинов (Тошкент вилояти)

Қизиқарли кечган жангда Абдумуродов ғалабага эришди.