Бўлиши мумкин эмас! Роналду такрорланмас рекорд ўрнатди

Саудия Арабистонининг “Ан-Наср” жамоаси ҳужумчиси Криштиану Роналду яна бир тарихий рекорд ўрнатгани маълум қилинди.

Халқаро футбол тарихи ва статистикаси федерацияси португалиялик юлдузнинг мағлубиятсиз ўйинлари сони 1000 тадан ўтганини эълон қилди. Роналду бу кўрсаткични қайд этган биринчи ва ягона футболчи сифатида тарихга киритилди.

Криштианунинг Осиё Чемпионлар лигаси гуруҳ босқичи биринчи турида Эронда “Персеполис”га қарши ўтказган баҳси 1000-мағлубиятсиз ўйин бўлди. Ундан кейин Роналду Саудия Арабистони чемпионатида “Ал-Аҳли” мағлуб этилган баҳсда иштирок этди.

Умумий ҳисобда 1001 та мағлубиятсиз ўйин ўтказган Роналдунинг жамоалар бўйича статискаси қуйидагича кўриниш олди. Роналду “Ан-Наср”да 28 та (Жами 33 та ўйин), “Манчестер Юнайтед”да 284 та (346) “Ювентус”да 114 та (134), “Реал”да 386 та (438) “Спортинг”да 21 та (31) ва Португалия терма жамоасида 168 та (201) та ўйинда дуранг ёки ғалаба қайд этган.

Бу кўрсаткичлар яхлит кўринишга келтирилса, Роналда профессионал фаолияти давомида жами 1183 та учрашув ўтказиб, шулардан 1001 тасида ютқазмаган.