Бонуччи: "Бастони "Барселона"да ўйнай олиши мумкин"

Италия терма жамоаси ва Туриннинг "Ювентус" клубининг собиқ футболчиси Леонардо Бонуччи "Интер" ҳимоячиси Алессандро Бастони "Барселона" услубига мос тушишини таъкидлади.

"Бастонининг фазилатлари "кўк-анорранглилар" услубига тўлиқ мос келади. У техник жиҳатдан кучли, майдонни ажойиб кўра оладиган футболчи. У яна 6–7 йил давомида юқори даражада ўйнай олади", — деди Бонуччи "Sportmediaset" нашрига берган изоҳида.

Бастони 2017 йил август ойидан буён "Интер" сафида ҳаракат қилиб келмоқда. 27 ёшли ҳимоячи билан клуб ўртасидаги амалдаги шартнома 2028 йил июнь ойи охирига қадар давом этади. Унинг бозор қиймати Transfermarkt экспертлари томонидан 70 миллион евро деб баҳоланмоқда.