“Боруссия” 17 ёшли футболчини 120 миллионга сотмоқчи

Истеъдодларни кашф қилиши билан ном чиқарган “Боруссия” 17 ёшли футболчиси Жуд Беллингемнинг трансфер суммасини эълон қилди.

Ўтган ёзда 23 миллион евро эвазига “Бирмингэм”дан олиб келинган ёш ярим ҳимоячи Бундаслигадан ташқари, халқаро учрашувларда ҳам ўзини кўрсатиб келмоқда. Жуд Беллингем яқинда  Европа Чемпионлар лигасининг чорак финал жавоб баҳсида “Манчестер Сити” дарвозасини ишғол қилганидан кейин унинг харидорлари кўпайиб бормоқда.

Хусусан, Англия чемпионатида “Манчестер Сити” билан рақобатлашаётган “Ливерпуль” ва “Челси” Хосеп Гвардиола шогирдлари дарвозасига йўл топа оладиган ёш футболчини ўз таркибида кўрмоқчи бўляпти.

Беллингемга талаб ошиб бораётганини инобатга олган дортмундликлар уни 120 миллион еврога баҳолашини билдирди. “Боруссия” хўжайинлари шу суммадан паст таклифлари кўриб чиқмайдиган бўлди.

Жуд Беллингэм жорий мавсумда Бундеслигада 25 та ўйинда иштирок этиб, битта гол ва учта голли пас муаллифи бўлди.