Дортмунднинг "Боруссия" клуби ушбу мавсум оралиғида ўз ярим ҳимоячиси Андре Шюррлени сотиб юбормоқчи.

29 ёшли футболчи мавсумни Москванинг "Спартак" клубида бошлаганди. У коронавирус пандемияси туфайли чемпионатлар қолдирилганидан сўнг, Германияга учиб кетган, аммо рестартдан кейин Россияга қайтиб келмади.

Bild нашрининг маълум қилишича, дортмундликлар футболчини 2 млн евро эвазига қўйиб юборишга тайёр.

"Боруссия" раҳбариятининг нархни пасайтиришига Шюррленинг маоши юқорилиги сабаб бўлмоқда. Шюррле йилига 7 млн евро олади ва жамоанинг энг кўп маош олувчи футболчилари қаторига киради.

Маълумот учун, ярим ҳимоячининг жамоа билан 2021 йилнинг ёзига қадар амал қилувчи битими бор. Дортмунд клуби 2016 йили футболчи учун "Волфьсбург" клубига 30 млн евро тўлаб берганди.

Матнда хатолик топсангиз, ўша хатони белгилаб, бизга жўнатинг (Ctrl + Enter)