«Боруссия» Дортмунд Клоппнинг «Реал»га эҳтимолий тайинланишига муносабат билдирди

Дортмунднинг «Боруссия» клуби президенти Ханс Йоахим Ватцке «Реал» жамоасини Юрген Клопп бошқариши эҳтимоли ҳақида фикр билдирди.
 

Унинг таъкидлашича, Клопп ҳозирча яна бирон жамоани қабул қилиш ниятида эмас.
 

«Клопп – катта тажрибага эга, юксак даражадаги мураббий. Лекин у ҳозир ҳеч қандай жамоани бошқаришни истамаяпти, бу борада у қатъий фикрга эга», – дея Ватцкенинг сўзларини келтиради Madrid Zone.
 

Маълумки, Юрген Клоппнинг сўнгги иш жойи «Ливерпул» клуби бўлган. У 2024 йилда мерсисайдликларни тарк этди. Клопп қўл остида «қизиллар» саккизта совринни қўлга киритди, жумладан, Чемпионлар лигасида ғалаба ва Англия премьер-лигасида чемпионликни ҳам қўлга киритган. Дортмунднинг «Боруссия» жамоасини эса у 2008 йилдан 2015 йилгача бошқарган ва шу давр мобайнида клубни икки марта Германия чемпиони қилган.