"Боруссия" Дортмунд Санчони сотмайди

"Боруссия" Дортмунд клуби бош директори Ханс-Йоахим Ватцке жамоа раҳбарияти англиялик вингер Жейдон Санчони сотишни режалаштирмаётганини айтди.

“Миш-мишлар мени ҳавотирга солмайди. Жейдон кейинги мавсумни ҳам жамоамизда ўтказишини ҳамма билади. Бу факт. У биз учун бебаҳо. Бутун Европа ҳеч бир клуб бу борада биз билан боғланмаганини билади”, - дейди Ватцке.

Эслатиб ўтамиз, бундан аввалроқ 18 ёшли футболчига "Манчестер Юнайтед", "Реала" ва ПСЖ клубларидан жиддий қизиқишлар борлиги ҳақида хабарлар тарқалган эди.

Маълумот учун, Санчо жорий мавсум “Боруссия” сафида жами 36та ўйинда майдонга тушди ва ўз ҳисобига 9та гол ҳамда 18та голли узатма ёздириб қўйишга эришди.